وصفة رائعة لشد البشرة المترهلة و محاربة التجاعيد
اليوم جبت لكم واحد القناع مجرب وسهل وصفة رائعة لشد
البشرة المترهلة و محاربة التجاعيد لكن بالمتابعة والمداومة
وفي ظرف قليل تبان لك النتيجة الرائعة جدا
مقادير الوصفة
معلقة دقيق الخرطال
حبتين من حبوب خميرة البيرة مدقوقين
2 معالق يوغورت منتهي الصلاحية
ــ الي بشرتها حساسة دير الحليب العادي الطري ــ
معلقة بدرة الروز ــ مطحون مزيان ــ
معلقة اللوز مطحون بقشورو
طريقة تحضير الوصفة
تخلطي المواد كلها مزيان واول شيء قبل
ما ديري القناع ديالك غادي تنظفي البشرة
بالحليب المنظف الروتيني ديالك وتنشفي
وديري القناع ديالك لوجهك وعنقك
وتخليه من 25 حتى 30 دقيقة وفي نفس الوقت
وجدي شرائح الخيار او البطاطا تحطيهم
على عينيك باش تحصلي على نتيجة مكتملة
بعد المدة المحددة وانت تتزولي في القناع
ديري بحال السنفرة بحركات دائرية الشيء الي
تيعمل على تنشيط الدورة الدموية في الوجه
وتنشيط المسام وكذلك تيزول البقع الي تتكون
اغمق من لون البشرة من بعد تغسلي بالتدريج
بماء دافي وتعاودي بماء بارد ومن بعد قطنة
مبللة بماء البابونج ودهني وجهك بكريمك
اليومي والنتيجة غادي تبان لك في اول
استعمال بالحصول على بشرة مشرقة
وصافية وفيها نضارة
يكرر القناع حتى اربع مرات
في الاسبوع رائع ونتائجه ممتازة
و الى التطبيقات بالتوفيق ان شاء الله
إرسال تعليق