اكلات و حلويات مغربية و عربية: عصائر ومشروبات

‏إظهار الرسائل ذات التسميات عصائر ومشروبات. إظهار كافة الرسائل

السبت، 12 يوليو 2014

طريقة تحضير عصير منعش بكمية كثيرة بالصور

اليوم غدي نقدم لكم واحد الوصفة لي كتجي معا هاد الجو السخون

طريقة تحضير عصير منعش بكمية كثيرة بالصور

تبردي سيدتي انت و عائلتك

مقادير عصير منعش بكمية كثيرة بالصور

كيلو ونصف ليمون

كيلو ونصف خوخ

نصف كيلو جزر

السنيدة حسب الذوق

2 ياغورت بنكهة الخوخ

الماء يمكن الاستعمال حتى 10 لتر

طريقة تحضير عصير منعش بكمية كثيرة بالصور

كنقشر 3 الليمونات ونحتافظ بقشرتهم وكنعصرهم مع باقي الليمون
كنقشر الجزر ونحاول ننقص شوية من اللب ونقطعو
في كوكوط نعمل عصير الليمون وقشرة 3 الليمونات والجزر والسنيدة ولتر من الماء ونترك الكل على نار لمدة 15 دقيقة أو أكثر طبعا بوضع الصفارة

في هذه الاثناء نطحن الخوخ المنقي ومزال العظم مع الياغورت
وشوية الماء

ونوضعو في إناء ونحتفظ بيه

ثم حين يطيب الجزر اللي في الكوكوط نزولو من فوق النار
ونوضعو في إناء كبير باش يبرد

ثم يطحن بعد ذلك ويصفى ويوضع في إناء كبير باش يساع لنا للماء

ثم نخلط الخليطين مع بعض مع إضافة كمية مهمة من الماء من

7 لتر إلى 9 لتر على حسب الذوق وطبعا تزيدو السنيدة إذا تطلب ذلك

شوفو ما شاء الله شحال خرج لينا 10 لتر غير نحل محل ديال العصيرات هههههه

يمكن ليكم تعملو منو في سلطات الفواكه أو في الديسيرات أو غير
بحال هاكاك كيجي عصير منعش …..

بالصحة و الراحة

مشروب الشوكولا بالكاسترد لذيذ ومنعش

المقادير و طريقة التحضير

الكاسترد

لي هو كأس حليب + 2معالق كبار الدقيق الفورص+ 2 معالق سنيدة+ اصفر بيضة

تناخد الدقيق تندوبوا في الحليب تنغربلوا بالصفاية شوية بشوية

وتنحرك الحليب حتى يدوب في الحليب وميكونش فيه الكورات

من بعد تنضيفوا سنيدة واصفر بيضة وتنخلطوا حتى يندامج الخليط مع بعضه , من بعد نديروا فوق البوطا على نار مهيلةمع التحريك المستمر باش ميتعجنش

تنحركوا الخليط حتى كيعقاد وتيكون كريمي وتنخليوه جانبا

تناخدوا نصف لتر حليب تنفيضوه , ونطفيو عليه ونضيفوا ليه واحد السنيكرز لي هو على شكل الشكلاط والكراميل ميكونش فيه كاوكاو او اللوز فقط الشكلاط والكراميل راه كيتباع في السوبر مارشي المهم تنخليوه حتى يدوب في الحليب .ممكن اضافة نصف ملعقة الكاكاو حسب الرغبة

ونكونوا طفينا على الحليب من قبل المهم ملي يبان لينا الشكلاط داب نضيفوا ليه هذاك الكاسترد لي صاوبناه من قبل هذاك لي فيه الدقيق ونضيفوه يتخلط مع الحليب والشكلاط ,

ونزيدوه ملعقة كبيرة سنيدة , ونخلطوا كلشي حتى يندامج الكل ونديروه ثاني فوق البوطاكاز , ونحركوه حتى تحسي بيه كيتقال ماشي بزاف يتقال غير شوية وكبيه في الكيسان وزوقيه

باش ما عجبك انا زينتوا بهذاك الشكلاط نيت نفسه قطعطوا طريفات وحطيتوا فوقوا , ودخليه لثلاجة لمدة ساعة قبل التقديم

هذه المقادير تكفي لاربعة اشخاص , اذا كان العدد اكثر ممكن مضاعفة المقادير

وبصحة وراحة

الأربعاء، 2 يوليو 2014

طريقة تحضير داناب في البيت

مقادير لتحضير داناب

نصف لتر حليب

نصف لتر ماء بارد

نصف لتر ماء سخون

كاس سنيدة

كاس نيدو عامر ،تقريبا ساشي ديال 5 دراهم و نصف

دانون ڤاني

ساشي ڤاني

طريقة تحضير داناب

نضع نصف لتر ماء بارد في كوكوط ، ونصف لتر آخر نضعه في كاسرول مع سنيدة حتا دوب

في ميكسور نضع نصف لتر حليب مع نيدو ودانون وڤاني ونخلط مزيان ونصبه في الكوكوط عل الماء البارد ونضيف كدالك الماء السخون للي دوبنا فيه سنيدة ونخلط الكل في الكوكوط مزيان ونسدها وندير الصفارة ونغطيها مزيان بمانطة سخونة ويبات ليلة كاملة حتا لغدا الصباح ونحل عليه نلقاوه ولا خاتر ونصبه في قارورات والى الثلاجة