طريقة تحضير كلاص في البيت بالصور

مقادير و طريقة تحضير كلاص في البيت بالصور

مقادير تحضير كلاص في البيت رااائع المنظر والمذاق

2 اكياس كريم شونتي (ألزا )

170 غرام حليب بودرة ما يعادل 2 اكياس صغار

بكية كاوبيل

2 اكياس فاني

4 بيضات

نصف لتر حليب

100 غرام سنيدة او اقل

طريقة تحضير كلاص في البيت

المرحلة الاولى

1 تنخدمو كل من كريم شونتي+ حليب غبرة + حليب سائل

حتى يصبح متماسك مزيان

2 من بعد تنخدمو بياض البيض مع قبصة ملح حتى يصبح كالثلج

3 وتنخدمو صفار البيض مع سنيدة حتى نحصلو على كريمة عاقدة شيئا ما

ها المكونات تخدمات كاملة

ملاحظة

الاناء اللى نخدمو فيه كريم شونتي وحليب و….يكون كبير لأنه هو لى غادي نمزجو فيه المكونات كاملة .

المرحلة الثانية

كنخدو بياض البيض ونضفوه للخليط ديال كريم شونتي و……

وتنحركو بشوووووووووية باش ما ينزلش لينا الخليط
ويفسد لينا كل شيء

هنا ها هو تمزج وصبح عندنا كريمة وحدة متجانسة

من بعد تنضفو صفار البيض بشوية
وبنفس الطريقة اللى حركنا بيها من قبل

كنبقاو نحركو بشوووووووووية حتى تظهر لينا فقعات في الخليط
لكن بشرط نحركو بشووووووووووووية

المرحلة الثالثة

تنقسمو الخليط حسب رغبتنا ونضيفو ليها نكهات اللى حبينا
او نقسموه على 2 نصف تنضيفو ليه بكية كاوبيل
ونصف اخر تنضيفو ليه 2 اكياس فاني
انا هنا قسمت الخليط على 4
عملت نكهة خوخ وفرمبواز وفاني وشوكولا
هاهما النكهات ، تناخدهم من عند بائع لوازم الحلويات ب10دارهم للوحدة
تنستعملو للكيك ولكريب وعجينة حلوة اللوز وحتى العصير
لكن ضروري نعمل قليل منها لانها لون ونكهة وهي جد مركزة

هنا أضفت النكهات اللى عندي كما هو اضح في صور

صورة كلاص رائع المنظر والمذاق

ممكن نعمل كل نكهة بوحديتها او نعملهم كطبقات
وما تخافوش كتبقا طبقة فوق طبقة ما تداخلش في بعضها

نصف عملتو طبقات في كؤوس وعلبات كما هو واضح
واخر عملتو كل وحد بحديتو ومشاء الله تيخرج بزززززززاف

كنعمل ورق المنيوم على كؤوس وندخل الكل الى مجمد لمدة ليلة كاملة

وهاهو كلاصاج رااائع المنظر والمذاق واجد

صورة كلاص رائع المنظر والمذاق

بالصحة والراحة